Сурагчдын нийгмийн түгшүүрийг бууруулах 5 арга

Хэрэв сурагчдын оролцоо багасч, ярихдаа эргэлзэж байвал дараах аргуудыг ашиглан тэдэнд өөртөө итгэх итгэл олж авахад нь тусалж болно.

Судалгаагаар сурагчдын 36 хувь нь нийгмийн түгшүүрийн эмгэгтэй гэсэн үр дүн гарсан. Үүний улмаас олон сурагч хамт олонтойгоо харилцах, хичээлд идэвхтэй оролцоход  хүндрэлтэй байдаг.

Гэхдээ сайн мэдээ нь өөртөө итгэх итгэл бол байгалиасаа заяасан зүйл биш бөгөөд хөгжүүлж болдог ур чадвар. Хэрэв бид дарамт багатай, зохион байгуулалттай оролцох боломжуудыг олговол сурагчид аажмаар өөртөө итгэлтэй болж, бусдын шүүмжлэлээс айх айдсаа даван туулж чадна.

Судалгаанд үндэслэсэн, сурагчдын түгшүүрийг багасгаж, итгэл нэмэгдүүлэх таван арга:

1. Багаас эхэл

Нийгмийн түгшүүртэй сурагчдын хувьд анги дотор дуугарах нь шүхэргүйгээр шүхрээр үсэрч байгаа мэт санагддаг. Тиймээс тэднийг аажим аажмаар дасгах нь чухал.

Бага дарамттай өдөр тутмын жижиг шалгалтууд тус болох нь бий. Хичээлийн эхэнд “Өнөөдөр таны мэдрэмжийг илэрхийлэх нэг үг” эсвэл “Өнөөдөр хэрхэн өнгөрөөмөөр байна?” гэх мэт асуултаар эхлүүлэх нь оролцоог хэвшүүлж, аажмаар дуугарч сурахад хялбар болгодог.

2. Нийгмийн харилцааг ойлгуулах

Түгшүүр нь хүний мэдрэмжийг гуйвуулдаг. Жишээ нь энгийн нүүрний илэрхийлэл ууртай харагдаж, ярианы завсарлага татгалзалт мэт санагдаж болно. Судалгаагаар сурагчдад нийгмийн харилцааг зөв ойлгуулж сургах нь айд

сыг багасгаж, итгэл нэмдэг гэжээ.

Илтгэл, танилцуулгын өмнө бид TED Talks үзэж, илтгэгчдийн нүдний харц, гарын хөдөлгөөн, дууны өнгө хэрхэн үзэгчдийг татаж буйг судалдаг. Энэ чадвар зөвхөн харилцааг сайжруулахаас гадна нийгмийн харилцааг буруу ойлгохоос үүсэх түгшүүрийг бууруулдаг.

3. Өөртөө итгэлтэй харилцаа

Нийгмийн түгшүүртэй сурагчид хэлмээр зүйл байгаа ч хэлэхгүй байх тохиолдол бий. Судалгаагаар өөртөө итгэлтэй харилцааг дасгалжуулах нь сурагчдын оролцоог нэмэгдүүлдэг. Сурагчдад өөрийн үзэл бодлоо илэрхийлэхэд туслахын тулд би дараах эхлэл өгүүлбэрүүдийг хэрэглэдэг:

• “___-тай санал нийлж байна, гэхдээ бас...”
• “Би үүнийг арай өөрөөр харж байна, учир нь...”
• “Энэ талаар илүү тодруулж өгөөч...”

4. Алдааг өсөлт гэж хүлээн авах

Алдах вий гэсэн айдас сурагчдыг чимээгүй болгодог. Харин судалгаагаар алдааг суралцах үйл явцын нэг хэсэг гэж үздэг сурагчид илүү эрсдэл гаргах хандлагатай болдог.

“Өсөлтийн сэтгэлгээ” хөтөлбөрийг хэрэгжүүлэх нь сурагчид бэрхшээлтэй тулгарч байсан туршлагаа эргэн харан, хэрхэн даван туулсан талаар бичдэг.

5. Багийн харилцааг шаталж дэмжих

Бүх анги даяар ярих нь зарим сурагчдад маш аймшигтай санагддаг. Судалгаагаар шаталсан оролцооны арга нь тэднийг илүү идэвхтэй болгодог.

Жишээлбэл, хэлэлцүүлгийн өмнө цаасан дээр өөрийн бодлоо бичин түүнийгээ ангийн хамтрагчтайгаа хамт эргэцүүлэн ярилцсаны  дараагаар ангийн хэлэлцүүлэгт оролцох. 

Энэ мэтээр дарамт багатай, бүтэцтэй аргууд нь сурагчдыг тайван байлгаж, өөртөө итгэх итгэлийг аажмаар өсгөх боломж олгодог.